"АданаДемирспор" түрік клубы "Астана" шабуылшысы және Футболдан Қазақстан құрамасы Абат Аймбетовпен келісімшартқа қол қойды, деп Turkistan-digest.kz хабарлайды Vesti.kz сайтына сілтеме жасап.
"Адана Демирспор" баспасөз қызметінің мәліметінше, келісім тағы бір маусымға ұзарту мүмкіндігімен 1,5 жылға жасалған.
"Біздің отбасымызға қош келдіңіз! Сізге сәттілік тілейміз!",- делінген клуб хабарламасында.
Адана Демирспор Суперлига кестесінде сегізінші орында, 23 матчта 31 ұпай жинады. Абаттың мансабында "Қайрат" пен "Ақтөбе" де болды.
Өткен маусымда форвард "Астана" сапында барлық турнирлерде 45 матч өткізіп, 10 гол соғып, 3 нәтижелі пас берді.