Филиппин мемлекетінде су спорты түрлерінен Азия чемпионаты өттуде. Жүзуден Қазақстан әйелдер құрамасы 4х100 метрге еркін жүзу эстафетасында күміс жүлдеге ие болды, деп хабарлайды turkistan-digest.kz
Бұл – осы бағдарлама бойынша Қазақстан әйелдер құрамасының Азия чемпионаттары тарихындағы алғашқы күміс жүлдесі. Команда құрамында Түркістан облысының мақтаныштары – Аделаида Пчелинцева мен София Сподаренко жасындай жарқырады.
Сонымен бірге ұлттық құрама сапында қарағандылық Ксения Игнатова мен ақтөбелік Диана Тасжанова да болды. Қазақстанның 4 аруы ел мерейін асқақтатты.
Айта кетейік, ұлттық құрама сапындағы түркістандық арулар –Түркістан облыстық су спорт түрлерінен олимпиада резервінің мамандандырылған балалар-жасөспірімдер спорт мектебінің шәкірттері.